一个星期前约食局时都只不过喺16、17度，朋友们已要求打边炉！！点知今个星期得番9度，大家不其然话有预感喎！ 其实原先订位时喺waiting list 咋，意外地下午三时左右收到谦记通知可以执死乱咋，真系好彩！职员温馨提示独立房间(6位)最低消费二千，一行人仕心理和身理上都准备大食大喝一餐:chopstick:

　　大家都非常满意这独立房间，一嚟有私隐，二嚟大电视啱晒我哋成班电视迷。肉类、海鲜非常新鲜，菜类有D乾咗水，有渣。为了令最低消费要达标，今次主攻象拔蚌(切条)-鲜甜、本地手切牛-肉味浓、龙趸腩-肉爽滑至爱厚厚的鱼皮、桶蚝-大小均衡。

　　锅底选蕃茄猪骨拼沙嗲，蕃茄大厚肉唔会一阵就唔见晒，猪骨并非骨?嗰D筒骨，而系肉连小脆骨的排骨，食到最尾D排骨煮到啱啱好，大家都捞上嚟食。沙嗲够香浓，越滚越浓。职员会加添同味汤底，唔会加水沟稀个味，赞！

　　埋品时会送上热辣辣墨西哥奶黄饱、冰冻杧果糯米卷和水果拼盘。
　　喺大家努力下，最终超额完成！

　　人均消费: ￥ 500 (晚餐)

　　谦记火锅 Him Kee Hot Pot
　　地址 : 谢斐道408-412号华斐商业大厦1至3字楼
　　地区 : 铜锣湾
　　电话 : (852) 2838 6116
　　类别 : 川菜 (四川)、中菜馆、火锅、适合大伙人