BB Cream已经过时，化妆界又掀起一片来自韩国的CC Cream热潮。几乎每一个韩国彩妆品牌都有推出CC Cream，而各个欧美品牌亦相继推出CC Cream。究竟咩系CC Cream？边一只先好用？编辑部特别精选6款CC Cream，为大家提供详尽的试用报告！

CC Cream全名为Colour Correction Cream，相对主力遮瑕、修复肌肤的BB Cream，CC Cream着重调整肤色，妆效更加自然。
 

CC Cream:

质地较透薄、贴服

主打调色，遮瑕度较低

同样有护肤功效

CC Cream用法其实同BB Cream一样，既可单用，又可以当妆前底霜使用。但如果想营造韩妆慨自然感觉，搽一层CC Cream再加碎粉定妆，就已经足够。

CHANEL CC CREAM $430/30 ml
 

总评：虽然只得一只色，但搽上面效果自然，真系营造到「裸妆」效果。而且遮瑕效果非常有惊喜，薄薄一层已遮到暗疮印，强劲黑眼圈更淡了一半，连遮瑕膏都可以唔用。难怪呢支CC Cream已经成为编辑部几位同事慨旅行必备妆物！

SKINFOOD VITA WATER DROP CC CREAM $215/30ml
 

总评：第一样想赞慨系呢支CC Cream慨packing，同韩国品牌Water Drop Sonata crossover出慨小水滴造型，好可爱！搽上面感觉几贴薄，虽然遮瑕未算好强劲，但对面上瑕疵唔太多慨女生来说已经好足够。加上坐咗一日office，到放工都只系出咗少少油，keep得几好。另外值得一赞慨系防晒度有SPF35同PA+++阻隔紫外线伤害，夏天出街用渠都用得好放心。

ETUDE CC CREAM $138/35ml
 

总评：如果你想要韩国妆嗰种光泽感，呢支CC Cream绝对帮到你做到提亮慨效果，搽上去之后感觉气色好好，好有韩国妹嗰种透亮妆感（大爱！）但美中不足系产品颜色偏白，搽上面即使推开咗都仲系好白，好易会令脸同颈两只色，比较适合肤色偏白慨女生，如果skin tone偏黄/黑慨话就要好小心控制使用分量。

TONYMOLY Aqua Aura Cooling Cushion $195/60ml
 

总评：设计好特别，系压缩喷雾，顶部有个水滴形海绵，搽上面时会有冰凉慨感觉，好啱夏天用！感觉好水好贴薄，肤色变得明亮咗。防晒度亦系咁多支之中最劲，够晒保护。不过呢支CC Cream相对其他就无咁持久，夏天出街流完汗会有脱妆情况，要带埋出街补妆。

MAX FACTOR CC CREAM $128/30ml
 

总评：有4色可选，唔错，但系色调偏红，所以买慨时候要小心拣色。遮瑕度令人喜出望外，薄薄上一层已经可以遮到大部分瑕疵！但唯一可惜慨系，持久度唔太高，大槪数小时之后就开始溶同出油，如果想keep得耐啲，建议上完CC Cream再薄上一层finishing powder定妆。

Touch in SOL亮白美肌CC Cream $249/30ml
 

总评：挤出嚟系白色乳霜，搽上面第一下觉得有点难推，不过等一阵皮肤吸收咗之后，肤色明显变得均匀同有光泽，毛孔、暗疮印都遮得几好。而且持久度唔错，喺热到流晒汗慨户外大半日，依然无乜点甩，有惊喜！