今天是family day, 约了家里一行5人来稻香饮茶, 听说这里的下午茶好抵食~ 我们不到2点就到了, 等位喝下午茶真是不少, 等位时间大概用了40分钟, 终于有得食~
::: 蒜蓉蒸鲜鱿 :::
蒜蓉味非常浓郁, 鲜鱿都几新鲜, 不过份量比较少~
::: 奶皇马拉卷 :::
其实系奶皇包同马拉糕嘅混合版~ 马拉糕质地嘅外层, 卷住中间奶皇茸, 几新奇~ 食落比奶皇包更松软, 甜度适中, 奶皇馅更丰富, 唔错~
::: 香煎芋头糕 :::
芋头糕煎得好香脆, 面头燶燶脆脆十分香口惹味! 芋头嘅份量都算多, 唔会粉多过料~ 最意外嘅系佢比平时嘅3件仲要多一件~
::: 风味糯米饭 ::: 大耐冇食过糯米饭, 所以觉得呢个好好味~ 系蒸嘅糯米饭加上豉油, 闻落够香, 饭身都几烟韧, 可惜腊肠腊肉唔多…
::: 玫瑰豆沙包 :::
个名就够晒华丽, 不过同玫瑰就唔知有咩关系, 食落咪又系普通豆沙包, 味道可以接受, 系皮厚咗d.
::: 上汤小笼包 :::
小笼包个皮浸得太淋, 味道还可以, 不过得两粒… 仲要加旧芋丝, size仲大过粒小笼包… 汤底系味精嚟嘅, 唔饮好过…
::: 黄金叉烧酥 :::
叉烧酥嘅馅十分之薄, 叉烧粒都唔系好食到…酥皮都唔系太脆, 好失望…
::: 煎酿茄子 :::
酿茄子嘅鱼肉都几多, 比街边嗰d好好多, 又唔算太油腻, 茄子好够淋, 呢个价钱有3件系好抵的!
::: 潮州蒸粉果 :::
蒸粉果好丰满, 食落都好有潮州粉味道~ 不过皮都系比较厚, 薄番d会好d. 同酿茄子一样, 好抵!
::: 稻香鲜虾饺 :::
之前食嗰几样个皮都几厚下, 呢个虾饺反而有皮薄馅靓嘅感觉~ d虾饺馅真系迫到想爆出嚟咁滞. 味道真系唔错, 鲜虾好爽口, 都算新鲜, 整体系全餐最好味嘅一个点心.
::: 叉烧米线 :::
下午茶嘅汤粉面餐, 叉烧份量真系多过平时食烧味饭~ 叉烧质素唔算高, 8成肥, 2成瘦, 过湿亦冇乜燶香… 米线系清汤底, 冇味, 米线都太淋.
其推荐菜: 虾饺皇 肠粉 皮蛋瘦肉粥 艇仔粥 叉烧包 芝麻糊
地址: 告士打道255-257号信和广场1楼R4舖
地区: 铜锣湾
电话: (852) 2892 0988
类别: 粤菜 (广东)、酒楼、火锅、海鲜、点心
消费: 140¥