本来想尝试系福田过关去HK噶，但由于我屋企离东站只有20分钟车程，所以都系去左东站，罗湖真系过关噶重灾区，所以返程我地坚决行福田。总结以下几点：1、视乎靓妈们离住噶地方去南站定东站近d，如果近南站，坚决选去福田过关，因为我过福田两个关口只用左15分钟，快！而罗湖要打蛇饼，等到烦躁！2、如果由福田过关，都系坐东铁，而且入市区噶钱同系罗湖上车差不多，但舒服好多。3、经福田噶水客相对少d，所以唔使惊自己d野会比水客撞或者逼。
　　讲讲HK噶打折，我去左旺角同沙田，目的就只有买金同埋买D BB用品。
　　去到旺角已经系11点半，食左个香港仔鱼蛋粉，我觉得碟鱼皮系最抵噶，15蚊，系广州一样噶价钱，但无甘大碟咯！

埋单一共90HKD，都不算贵！

食饱就系我地噶买金之旅了~~~~

　　食饱就系我地噶买金之旅了，行到第一间，就系六福，老公系个最怕行街噶人，一坐低就开始睇睇睇，感觉已经唔想再行了，我地睇左几样产品之后，我就想去周大福或者周生生选下添，个sales就话见我地好有心买，帮我地做到最低噶手工费，后来我见好似有得讲甘，就继续同距磨咯，点知最后手工费全免，呢个真系可以省翻好多啊!但个sales有个条件，就系我地要买最少一样K金镶钻噶产品，先可以全免，所以话饰金利润大，系无错噶，羊毛出在羊身上。虽然K金镶钻广州价钱同HK差不多，但我买黄金已经可以开VIP了，可以打88折，然后再加上汇率，都差不多打左个7折了，比起广州商家做活动都仲系抵d，何况老公中意K金镶钻噶婚介，甘就买咯。由于我第一次上传相，唔知点解会甘蒙，甘我就简略介绍下下面系乜东东啦！ 
　　金饰清单（价格单位是HKD）

　　1、龙凤镯一对，分别系15.046g同14.859g，一共13855
　　2、花颈链一条，11.603g,价钱系5346
　　3、吊花耳环一对，5.951g， 价钱2773
　　4、花戒指一只，3.967g，价钱1863
　　5、男装双扣颈链，27.959g,价钱12883
　　6、BB长命锁，配红绳，3.256g，价钱1566
　　7、最右边，爱恒久系列男戒，18K 750金，价钱3520 ，女戒，20.5份，价钱6321
　　系六福一共买左7样野，花费系48000+，
　　中间三个白色底噶盒，系周大福买噶，因为六福d链噶款式唔岩我，周大福噶清单无g噶重量，只有两，所以我只报总价，从左至右分别系
　　1、女颈链，2034 链坠系一粒花生，1142
　　2、蝴蝶型花戒，1521
　　3、细噶花戒，1019
　　系周大福一共买左4样野，花费系5716，但周大福手工费只可以打8折，讲什么都无用，唉！

钻戒

　　来张全家福，沙田新城市广场好多特价，G20003折起，优衣库羽绒399，但由于系fit size，我无买，系HK买奶樽同广州真系差好远，一个平几十蚊，太夸张啦，安满卖199，广州卖230+，我仲偷偷运左两盒蓝莓翻来，13.8一盒，广州要18左右，而且香港噶又大又甜，好抵啊！！一田百货买噶美国旅行者旅行箱，原价889，而家589，好抵，老公去出差同埋以后拖粉，岩晒。

今次HK之后，我们都穷到银行卡剩下3位数了，但去香港扫货真的好爽啊！！